Romantic Ghazals
Be’sabab rootha hua hoon….
Iltajayen us ki phir khatir mein laaon kis tarah,
Be’sabab rootha hua hoon maan jaaon kis tarah,
Jis ko aankhen chahti hain mangta hai dil usey,
Kese dhoka doon unhe, us ko manaaon kis tarah,
Ajnabi sa aashnaa tha naam tak poocha nahin,
Main ne maana laut aaye ga, bulaaon kis tarah,
Hum agar yak jaan do’qaalib hain phir tu hi bata,
Rooth jaye tu agar, khud ko manaaon kis tarah,
Dekh ker sotey main us ko pyaar aata hai mujhe,
Main bhala soyi huyi qismat ko jagaaon kis tarah,
Woh kabhi rootha hai na main ne manaya hai usey,
Aaj kyon rootha hai woh, us ko manaaon kis tarah,
Maanta hai jo meri har baat, har zid, har lagan,
Us wafaa paikar se saaqi, rooth jaaon kis tarah..
Khuda kare ke mohabbat mein….
Khuda kare ke mohabbat mein woh maqam aye,
Kisi ka naam loon lab pe tumhara naam aye,
Tera pyar mere gesu’yon ki uljhan ho,
Tumhare wasty dil ka chiragh roshan ho,
Seher-e-nazar se mile zulf leke shaam aye,
Mere khayalon ki tasveer hu’bahu ho tum,
Mere huzoor nigahon ki aarzu ho tum,
Isi tarah se nigah uthey sallam aye,
Jahan talak yeh haseen gungunati shaam chale,
Nazar nazar se mile, dil se dil ki baat chale,
Hamare dil ki tarap kuch to apne kaam aye..